Kisah sedih pengorbanan seorang bini...

Pado satu malam, ado pasangan yg agak berumur sodang makan malam dongan romantiknyo bagi menyambut ulangtahun perkahwinan mereko yg ko 50 tahun. Suami eh, seorang Tan Sri dan bokeh ahli politik mulo bercerito tontang nostalgia mereko suami isteri, sekian lamo hidup bersamo, suko duko, susah sonang. Si suami memang menyanjungi amek bini eh, bernamo Maria.

“Maria, selamo kita nikah ni, suko duko kito lalui, susah sonang kita tompuh, abang sayang amek- amek kek Maria, tapi ado satu pekaro yang asyik bermain-main dibonak abang ni dan abang solalu tetanyo-tanyo. Toruih toranglah ngan abang malam ni, ponah tak Maria curang dongan abang slamo ni?”

Tokodu maria di buek eh dan moronung panjang muka laki eh tu, lalu berkato dongan ponoh kokosalan, “Yo abang, Maria ngaku ponah curang ngan abang, tapi hanyo tigo kali yo solamo ni..”

Tigo kali yo.?” Tan Sri tu agak tokojut, tapi tak la molonting, dah tuo dah dan memang beniat nak maapkan bini eh,”Camno bulih terjadi tigo kali tu Maria?”

Secaro pelahan,maria bukak balik cito lamo, “Abang ingatkan maso kito mula-mula kawin, toruih boli rumah dan solang 4 tahun, kito susah sangat maso tu sampai rumah kita kito pun nak kono rampeh kek bank?"

“Yo, den ingat laie maso tu” jawab si suami. ( hati dah mulo bengkek)

Maria menyambung cerito, “Abang mesti ingat potang tu maria poie jumpo pegawai bank tu dan besok eh, bank tu tak jadi rampeh rumah kito, siap bagi pinjaman laie kek abg untuk mulo niago?"

“Emmmm.. susah boto kek abg nak trimo bondo ni, tapi abang maafkan maria sobab apo yg maria buek tu untuk maso dopan kito jugak”, kato si suami.

”Yang ke 2 pulak?”

“Abang ingat tak, abang hampir nak mati sobab kek penyakit barah kek otak abg tu?” si isteri menyambung cerito..

“Yo,den ingat” jawab si suami.

“Kalau cam tu, abang pasti ingat yang ese ado jumpo doktor pakar tu dan esok eh, dio setuju buek operation untuk abang dan tak yah bayar satu sen pun.”

“Ohhh... maria, porit hati den mendonga an sumo ni, tapi kek sayang eh maria kek abg ni dan domi maso dopan kito ni..kali ke 3 camno pulak? “, kata si Tan Sri.

Maria menundukkan muko dan menjawab lagi dongan ponoh lomah, “Abang, ingat tak maso abang bertanding nak ghobot kusi bagian dan kurang laie 248 undi ?….”

"APO!!.." ... Tan Sri toruih pengsan kek situ jugak…

Note: 248 undi tu.. isteri dia relax je, YB ni plak yg pengsan

ASTAGHFIRULLAH AL-AZHIM..ASTAGHFIRULLAH AL-AZHIM..ASTAGHFIRULLAH AL-AZHIM